“Erasorako jarrera barneratua dut”
Astelehena, 2012-1-30
• Julen Altuna Txirrindularia • Neguko pista denboraldia bukatuta, errepidean murgilduko da buru belarri txirrindularia
Julen Altuna txirrindularia Donostiako belodromoko peraltean, Gipuzkoako Txapelketako proba batean. Arg.: Julen Altuna
Umiltasunez, baina era berean esaten duenaz ziur mintzo da Julen Altuna, Fullgas taldeko ziklista. Urteko helburuak karreterako denboraldian jarrita baditu ere, pista denboraldian zoragarri aritu da. Lehen urtekoa izan arren, 10 probaz osatutako Neguko Challengean 9. postua eskuratu du. Gipuzkoako Pista Txapelketan berriz, kukuak oker jo zion eta ezin izan zuen mailarik onena eman erdi gaixo aritu baitzen.